1/30/2010

وبحبك يا مصر

بسم الله الرحمن الرحيم


كلنا بنحب مصر ومين يقدر يقول غير كدا .بيظهر حبنا ليها في كل وقت مش لازم مباراة كرة قدم علشان نعبر عن مشاعرنا تجاه بلدنا . يمكن لان الكورة هى
الحاجه الوحيده اللى بتجمع الشعب في وقت واحد مشاعرهم واحاسيسهم بتكون واحده .مشاعر مختلطه ما بين الحماس والقلق والحب . اسم مصر بيتردد
ساعتها من جوة قلوبنا بننطقه بكل حب بنحس أد ايه يااااااااااااااااااه بنحب مصر ونفسنا انها تتفوق في اى مكان حتى لو كان تفوقها ده هيكون في مباراه
.بسمع كتير عبارات النقد واللى بتقول هو يعنى مينفعش نفتكر مصر الا في الكورة طيب وامتى وفين وازاى هنلاقي كل التجمع ده في حب مصر من اول
العامل البسيط لغاية الريس الكل بيشترك في حوار مفتوح مفهوم صريح لكل الناس
احنا فعلا بنحب مصر وحبنا بيجيله الفرصه انه يظهر في مباراه بنحس اننا ساعتها نفسنا نبوس ترابها نفسنا نحضن بعض نفسنا كل الخير اللى جوانا
يظهر لكل الناس اللى حولينا
اد كده لما نكون فرحانين بننسي مآسينا
أد كده لما نكون فرحانين بننسي أحزانا
حتى لو بينا زعلانين بينسوا الزعل
بيكون كل اللى هاممنا اننا نظهر حبنا وفرحتنا ببلدنا
مش حكاية فوز في مباراه
انما دى مشاعر جوانا تجاه بلدنا وتجاه بعضينا عاوزة بس تلاقي الفرصه علشان تخرج من جوانا
احنا لازم نشكر الكورة لانها وحدتنا وجمعتنا وفرحتنا
وبحبك يا مصر

1 comment:

Anonymous said...

فعلا الكرة بتوحدنا وبتخلينا ايد واحدة رغم انها كورة
بحببببببببببببببك يا مصر
دمتى متألقة وبخييييييييييييييير عليااااء