السلام عليكم ورحمة الله وبركاته
خلال العام الدراسي قد تحدث العديد من المشكلات الخاصه بالطلبه واولياء امورهم ولكن هناك بعض المشكلات التى يجب ان تؤخذ بعين الاعتبار على الرغم من بساطتها . ونتعرض لتلك المشكله في هذا الموقف.
تخرج المدرسه خارج الفصل دقيقتين لترجع وتواصل الشرح فاذا بها تندهش لعدم وجود اصبع الطباشير وتتسائل
المدرسه: فين يا ولاد صباع الطباشير.
الاولاد لا يردون وتتعالى نبرة المدرسه
المدرسه: انا بقولكم فين صباع الطباشير اللى كان هنا قبل ما اخرج واجى تانى
يسود صمت رهيب بين الاطفال ولا احد يرد
المدرسه بصوت عالى اشبه بالصريخ: ردوا عليه فين صباع الطباشير
ولازال الصمت مستمر
المدرسه:اللى مش هيقوم ويطلع صباع الطباشير مش هيحصله كويس
التزم التلاميذ الصمت اكثر
المدرسه: باه كده طب انا باه هفتش واحد واحد وشنطه شنطه وهضرب كل واحد فيكم 10 عصيان لغاية ما تقولوا فين صباع الطباشير وديتوه فين
بدا التلاميذ يتهامسون خوفا من العقاب الجماعى واذا بتلميذ يهمس بصوت خفي باسل
التلاميذ: ايوة يا ميس باسل هو اللى اخده
المدرسه : دلوقتى نطقتم فين باسل ده
باسل يقوم في ضعف واستسلام
باسل:والله منا يا ميس
المدرسه:طلع يلا صباع الطباشير اللى سرقته
باسل:والله منا يا ميس دول كدبوا عليكى
المدرسه: انت اللى اخدته كلهم شهدوا عليك
باسل يبكى بحرقه انه لم ياخذ شيئا وانه اتهم باطل
المدرسه: قولى خبيته فين وانا اقعدك
باسل:والله ماخبيت حاجه
ويظل يبكى باسل وتنتهى الحصه ولم تجد المدرسه صباع الطباشير
تعليقى
الموقف من البدايه فيه خطا كبير من جانب المدرسه لانها ضيعت وقت الحصه في التهديد والوعيد لايجاد اصبع الطباشير
لم تراعى المدرسه ان الاطفال يحبون تقليد مدرستهم باستعمال القلم الاحمر مثلا في التصحيح او استعمال الطباشير في الشرح وان الذى اخذ اصبع الطباشير لم يقصد السرقه انما اخذه رغبة في التقليد.
لم تراعى المدرسه ان خوف التلاميذ منها جعلهم يختارون اى تلميذ في الفصل كى يكون هو كبش الفدا
لم تتذكر المدرسه لحظه ان اصبع الطباشير هذا ثمنه قليل ولكن ليس معنى ذلك ان تتعامل بسلبيه مع الموقف وانما من الممكن القاء محاضره بسيطه مدتها خمس دقائق عن ان السرقه حرام وان من يريد اصبع طباشير يطلب بادب او يشترى من مصروفه الخاص
اسلوب المدرسه احرج التلميذ امام زملائه ولم تراعى نفسيته في كونه يظهر كسارق
يجب ان تراعى كل مدرسه مشاعر الاطفال في تلك السن الحرجه خاصة في مواقف مثل السرقه فان كان العقاب موجود فان استعماله في مواقف معينه وليس في كل المواقف
No comments:
Post a Comment